پلاندانانا جهی چییە

پلاندانانا جهی بوارەکە دناڤا زانستێن ئەندازیاری و کومەڵایەتی کو مامەلێ دگەل رێکخستنێن جهی و بەرەپێدانا بارودوخێن ژیان و کارکرنێ و ژینگەهێ دکەت ل ئاستەکێ بەرفر‌ه‌‌هـ.

ئاستێن جهی یێن جێواز دەست پێدکەت ژ ژینگەها بیناسازی و گەرەکێن نیشتەجێبوونێ هەتا دگەهیتە قەزایان و باژێران و دەولەت و نیڤدەولەتی

پروگرام

ئامانج و دەرئەنجامێن پڕۆژەیێ 3 ساڵی یێ DAAD کو پارەی بو دابینکربوو ل ساڵانێن (2010، 2011، و 2012) بریتی بوو ژ دامەزراندنا بەرنامەیێ هاوبەشێ پەروەردەیا پلاندانانێ ل عیراقێ ب هاوبەشی دگەل زانکویا تی یو دورتموند یا ئەڵمانی TU Dortmund و زانکۆیا دهۆك و هاوبەشێن عێراقی یێن دی.

ئامانجا هاوبەشان پەرەپێدانا زێدەتر یا "پرۆگرامێ بەکالوریوس د پلاندانانا جهی بو عیراقێ" بوو ل زانکۆیا دهۆکێ و ئامانجا هەرە گرنگ ژیک پەرەپێدانا ڤی پرۆگرامی بوو وەك پرۆگرامەکێ بڕوانامەیا هەڤبەش د ناڤبەرا زانکویا تی یو دورتموند یا ئەڵمانی TU Dortmund و زانکۆیا دهۆك

پروگرامێ "پلاندانانی جهی" یێ هەڤبەش یێ بەکالوریوسێ پرۆگرامەکە ل ساڵا 2012 هاتیە دامەزراندن. وەک بەشەک ژ ڤی پروگرامێ هەڤبەش پرۆفیسۆرێن زانکۆیا TU Dortmund بەشدارن د وانەگوتنێ و سەرپەرشتیکرنا تیزێن دەرچوونێ دا. پروگرام یێ هەڤپشکە د نامیلکەیا مودیولان و یاسایێن ئەزموونان و باوەرناما بەکەلوریوسێ د بوارێ پلاندانانا جهی دا کو دهێتە دان ژ لایێ زانکویا دهوك و زانکویا تی یو دورتموند

مەشقا هاڤینی ل ئەڵمانیا

قوتابیێن وەرزێ شەشێ (قوناغا سییێ) دگەل ماموستایێن سەرپەرشتیار سەرەدانا وەڵاتێ ئەڵمانیا دکەن بو مەرەما ئەنجامدانا پروگرامێ مەشقا هاڤینی بو ماوێ ٤ تا ٦ حەفتییان

دەرفەتێن کاری

• پارێزگەهێن ناڤخوی • وەزارەتا شارەوانی • وەزارەتا پلاندانانێ • وەزارەتا نیشتەجێکرن و بیناسازی • بەشێن گەشتیاری • بەشێن پلاندانانا شارستانی • کەرتێ تایبەت • ڕێکخراوێن نەحکومی یێن ناڤخویی و نیڤدەولەتی • کۆمپانیان

• دەستەیا وەبەرهێنانێ

کریێن خواندنێ

بو هەر ساڵ 2800$ (ساڵا دوماهیکێ خورایی یە)

داشکاندن ب ڤی شێوەی دێ هێنە دان:

داشکاندنا ب رێژا 25٪ بو قوتابیێن نمرا وەرگرتنا وان ژ 80٪ زێدەتر

داشکاندنا ب رێژا 15٪ بو قوتابیێن نمرا وەرگرتنا وان دناڤبەرا 75٪ هەتا 80٪ بیت

ماوێ خواندنێ و وەرگرتن

• ماوێ خواندنێ: 5 ساڵ: ساڵا ئێکێ یا ئامادەکرنێ یە و پتر ل دور زمانێ ئینگلیزی یە. هەر قوتابیەکێ ئەزموونا TOEFL IBT ٧٠ یان زێدەتر بینیت، یان ئەزموونەکا دی یا وەکهەڤ، دشێت راستەوخو دەربازبیتە ساڵا دووێ.
• ناڤەروکێن پروگرامی: خواندنا ڤی پروگرامی ل دویف پێڤاژویا بولونیا هاتیە رێکستن و پێک دهێت ژ 24 مودیوڵان (240 یەکە)
• مەرجێن وەرگرتنێ: کێمترین کونمرێ وەرگرتنێ بو قوتابیان 70٪ یە و سەرجەمێ نمرێن بابەتێ (زمانێ ئینگلیزی ، بیرکاری) کێمتر نەبیت ژ (140)