ل ڕۆژا چارشەمبی، ١٧ێ حوزەیرانا ٢٠٢٦ێ، چالاكيیا دوماهییێ یا پرۆژەیێ پلاندانانێ یێ دەستپێكی بۆ قۆناغا ئێكێ یێ بەشێ پلاندانانا جهی ل ژێر ناڤ و نیشانێن: "كاریگەرییا كارتێكرنا كۆڵانكاری و پارچەكرنا عەردی ل سەر گەهاندنا خزمەتگوزارییان: لێكۆڵینەكا نموونەیی ل سەر ته‌خ و گه‌ڕه‌كێن نزاركێ و زركا" ب دوماهی هات.

ئەڤ پرۆژەیێ ڤەكۆڵینێ یێ گشتگیر دبن چاڤدێری و ڕێنمایێن: د. پرژین سفر محمد، مامۆستا ليلى أحمد قاسم، و د. پيرس حسام الدين عبد الله دا هاتبوو ئەنجامدان.

ل سەرانسەری ماوەیێ پرۆژەی، گروپێ قوتابیان هەڵسەنگاندنێن جهی و سەرەدانێن مەێدانی د ناڤ گەڕەكێن نزاركێ و زركا دا ئەنجامدان. د دەمێ گەنگەشا خۆ یا دوماهییێ دا، گروپێ قوتابیان ئەنجامێن زانستی پێشكێش كرن كو تێدا ب هووری دیار دكر كا چەوان شێوازێن پارچەكرنا عەردی ب شێوەیەكێ ئێكسەر كارتێكرنێ ل سەر بەلاڤبوونا جهی و شیان و دادپەروەریێ د دابینكرنا ژێرخانێن سەرەكی و گەهاندنا خزمەتگوزارییێن باژێرڤانیێ دا دكەن.

هەروەسا خوشحال بووین ب پێشوازیكرنا دوو هەڵسەنگێنەرێن شارەزا ژ ڕێڤەبەرییا نەصشەدانانا ئاڤەدانی ل پارێزگەها دهۆكێ مامۆستا: زانا نوري أحمد و بفرين سلمان محمد ، كو ژ دەستپێكا پرۆژەی وەرە دگەل قوتابیان دا هەڤپشك بوون و هاریكارییەكا ب بهـا و پشتەڤانییەكا لایەنێ شارەزایی پێشكێشی زانیارییێن وان كربوون. ئامادەبوونا وان هاریكاریا قوتابیان كر دا كو مۆدێلێن خۆ یێن ئەكادیمی دگەل ڕێنمایێن كارگێڕی یێن نوكە و ڕاستییا حوكمڕانییا باژێڕی ل هەرێما كوردستانێ بگونجینن.

ئەم پیرۆزباهییێن خۆ ئاراستەی تێكۆشان و ماندیبوونا قوتابیان و پشتەڤانییا بەردەوام یا مامۆستایێن وان یێن چاڤدێر دكەین.