د حەفتیا ئێکێ یا پروگرامی د ناڤبەرا ١٥ تا ٢٢ـی تەباخا ٢٠٢٦ـێ، بەشێ پلاندانانا جهی بەردەوامی دا پڕۆگرامێ خو یێ ساڵانە یێ مەشقا هاڤینێ ل ئەڵمانیا.

قوتابیێن وەرزێ شەشێ ل بن سەرپەرشتیا د. رزگار مصطفى محمد، سەرۆکێ بەشی، و د. يوهانيس لوكينكوتر، ڕێکخەرێ پڕۆگرامی ژ زانکۆیا دورتموند یا ئەڵمانی (TU Dortmund) پشکداری کر.

حەفتیا ئێکێ یا مەشقا هاڤینێ ل ئەڵمانیا ئەزموونەکا ب بها بوو بۆ قوتابیێن بەشێ پلاندانانا جهی ل زانکۆیا دهۆک. د دەمێ سەرەدنا خو دا ل باژێرێ فرانكفورت، قوتابیان سەرەدانا چەندین جهێن جۆراوجۆر کرن و دگەل شارەزا و پسپۆڕێن پلاندانانێ ئاخفتن، ب ڤێ یەکێ گرێدانا خو یا تیۆری ب کارێن مەیدانی و ئالۆزیێن ڕاستەقینە یێن پلاندانانێ ڤە گرێدان.

سەرەدانان گەلەک بابەتێن گرنگ ب خۆڤەگرتن، ژ وان: ئاکنجیبوونا کۆمەڵایەتی، پلاندانانا هەرێمی، گەشەپێدانا باژێران، سەنتەرێن داتایان و ژێرخانا ژیرییا دەستکرد، کەسککرنا باژێران، و پلاندانانا کۆمەڵگەهێن ئاکنجیبوونێ یێن مەزن و نوو.

سەرەڕای سەرەدانا جهان، قوتابی هاتنە هاندن بۆ تێبینیکرن، پرسیارکرن، دانوستاندن، و بیرکرن کو دبیتە دەرفەتەکا زێڕین بۆ فێربوونێ ژ ئەزموونا پلاندانانێ ل ئەڵمانیا.

زانیاریێن زێدەتر دەربارەی پڕۆگرامێ مەشقا هاڤینێ ل ئەڵمانیا:

پرۆگرامێ بەکالۆریۆسێ هەڤبەش د پلاندانانا جهی دا مەشقا هاڤینی یا گشتگیر و كاریگەر بخۆڤە دگریت كو ساڵانە ل ئەڵمانیا دهێتە ئەنجامدان. وەك قۆناغەكا سەرەكی و گرنگ د ڕێككەفتنا مە يا هەڤپشك دا دگەل زانكۆیا تەکنیکی یا دۆرتموند (TU Dortmund)، ئەڤ پرۆگرامێ پڕ بها پرەکێ دناڤبەرا تیۆرێن نیڤدەوڵەتی و بجهئینانا ل سەر عەردی دا ئاڤا دکەت. ئەڤ ئەزموونە دەلیڤەیەكا ناواز پێشكێشی قوتابییێن مە دکەت بۆ لێکگوهارتنا ئەكادیمی یا چڕ و ڕەوشەنبیری یێ بهادار.

ئەڤ گەشتە ژ زانکۆیا تەکنیکی یا دۆرتموند دەستپێدکەت، كو وەك نموونەیەكا بالآ یا دامەزراوەیێن خواندنا بلند یا ئەڵمانی دهێتە نیاسين. ل وێرێ، قوتابی پشکداریێ د وانەیێن ئەکادیمی یێن تایبەتمەند دا دکەن و پشکدار دبن د گەشتێن زانستی یێن ڕێكخستی دا، كو ب تەمامی لسەر چوارچۆڤەیێن ئالۆز یێن پلاندانان و گەشەپێدانێ ل ئەڵمانیا چڕ دبن.

بۆ بەرفرەهكرنا دیتنێن خۆ ل دەرڤەی هۆڵێن خواندنێ، قوتابی گەشتێ بۆ چەندین باژێڕێن مەزن یێن ئەڵمانیا دکەن وەک دورتموند، بەرلین، هامبورگ، شتوتگارت، فرانکفورت و گەلەک باژێرێن دی بو دیتنا ئەڤان بواران:

• سیستمێ پلاندانانێ ل ئەڵمانیا: وەرگرتنا دیتنەکا ئێكسەر ل سەر حوكمڕانییا هەرێمی، بجهئینانا سیاسەتان، و پشكێن ڕێكخستنێ یێن حكومی.
• گەشەسەندنا باژێڕی: شیكاركرنا مێژوو و گەشەپێدانا ستراكتۆری يا باژێڕێن ئەوروپی.
• ژێرخانا بەردەوام: لێكۆڵین و خواندن ل سەر پلاندانانا پێشكەفتی یا ڤەگوهاستنێ و شێوازێن نوو یێن هاتووچۆنێ ل ئەڵمانیا.

بۆ وەرگرتنا زانیاریێن زێدەتر دەربارەی پڕۆگرامێ مەشقا هاڤینێ ل ئەڵمانیا هیڤیدارین سەرەدانا مالپەرێ مە بکەن:

https://crp.uod.ac/departments/spatial-planning/summer-school-in-germany/