سێ ڕۆژێن دووماهیێ یێن ووركشۆپا مەشقا هاڤینى ل بەرلین ب دووماهى هاتن ب بەرنامەیەکێ دەولەمەند ژ سیمینارێن شارەزایان، فێربوونا مەیدانى، پشكداریکرنا جڤاكى، چالاكیێن كردارى، و پێشكەشكرنا قوتابیان. بەرنامەی دەرفەت دا قوتابیان دا کۆ زانیاریێن ئەكادیمى ب كردارێن باژێڕى یێن جیهانا ڕاستەقینە وەربگرن و هزربکەن کا دێ چەوا ئەڤ ئەزموونە هێنە گونجاندن دگەل تەقەلایا دهۆکێ.

٢٦ـێ تەباخێ– حوكمڕانیا باژێڕى و کەسککرنا باژێڕى دگەل پشكداریکرنا جڤاكى

ل ڕۆژا چوارشەمبى، ٢٦ێ تەباخا ٢٠٢٦ێ، قوتابیان پشكدارى د سیمینارێن ژ لایێ شارەزایان ڤە پێشكەشكراى کر دەربارەى ڕەهەندێن گرنگ یێن پلانسازیا شار و جهێن گشتى، ژ وان ژى «PR-GPS! پەیوەندیێن دەسەڵاتێ د حوكمڕانیا باژێڕى دا: پشكداریکرن د جهێن گشتى یێن باژێڕێن عەرەبى دا»، ژ لایێ هێلین عەزیز ڤە هاتە پێشكێشكرن، و ل دووڤ دا «جۆرێن جیاواز یێن کەسککرنا باژێڕى»، ئەو ژى ژ لایێ هێلین عەزیز ڤە هاتە پێشكەشكرن. پرۆژێ PR-GPS ب تایبەتى گرنگ بوو بۆ پشكداربووان، چونکی زانکۆیا دهۆک سەرکردایەتیا پرۆژەی کر ل وەرزێ بهارا بۆرى، نیسانا ٢٠٢٦ێ، کو پەیوەندیەکا ڕاستەوخۆ د ناڤبەرا چالاكیێن بەرلین و ئەزموونێن ئەكادیمى و پیشەیى یێن بەرێ ل زانکۆیا دهۆکێ دروستکر. ڕۆژ بەردەوام بوو ب سەرەدانا مەیدانى بۆ Prinzessinnengarten Jacobi، کو قوتابیان ب ڕاستەوخۆ تەڤلى باخچێ جڤاكى بوون و زانیاریێن كردارى ب دەستڤە ئینان دەربارەى چاندنا بەرهەم و سەوزاتیێن جیاواز، مەرجێن ژینگەیى یێن پێویست بۆ مەزنبوونا وان، و ڕێكێن بکارهاتى بۆ باخچەڤانیا بەردەوام یا باژێڕى. ئەڤێ ئەزموونێ دەرفەت دا قوتابیان کو چاڤدێریێ بکەن کا چەوا بەرهەمهێنانا خوارنێ بێتە تێکەلکرن د جهێن باژێڕى دا و چەوا پشكداریکرنا جڤاكى هاریکاریێ دکەت د گەشەپێدان و ڕێڤەبرنا دەڤەرێن کەسک یێن باژێڕى دا.

٢٧ تەباخێ – هەڤ-بەرهەمهێنانا زانیاریان، جهێن گشتى، و گەشەپێدانا باژێڕى ل ڕۆژا پێنجشەمبى، ٢٧ێ تەباخا ٢٠٢٦ێ، قوتابیان پشكدارى د سیمینارێن شارەزایان کر دەربارەى «هەڤ-بەرهەمهێنانا زانیاریان: تێگەهشتنەکا کوورتر یا چەمکى»، ژ لایێ پرۆفیسۆر محەمەد سالحین ڤە هاتە پێشكەشكرن، و «کاریگەربوونا جهێن گشتى سەر بازاڕێ خانوبەران»، ژ لایێ ئەیاد ئەلنۆفەل ڤە هاتە پێشكەشكرن. بەرنامە بەردەوام بوو ب ڕێڤەچوونا مێژوویى یا ڕێنیشاندراو یا «بیرهاتنێن مالێ» ل درێژاهیا جاددا Sonnenallee، جاددەیەکا سەرەکى ب درێژاهیا ٥ کیلۆمەترا ل باشوورێ ڕۆژهەڵاتێ بەرلین. د دەمێ ڕێڤەچوونێ دا، ڕوونکرن دانە قوتابیان دەربارەى گەشەپێدانا باژێڕى یا دەڤەرێ، تایبەتمەندیێن جڤاكى، مێژوو، و پەیوەندیا ناڤبەرا بیرهاتن، ناسنامە، و جهى. ئەڤ ئەزموونا مەیدانىدەلیڤە دا قوتابیان ب ڕاستەوخۆ چاڤدێرى ژینگەهێ باژێڕى بکەن و ڤەکۆلینێ بکەن کا چەوا مێژوو و ژیانا ڕۆژانە یا جهەکى دەستکاریا کەسایەتیا وى یا دەڤەرى دکەت.

٢٨ تەباخا – بازاڕێن جاددان و بکارهێنانا زانیاریان بۆ دهۆکێ

ل ڕۆژا دووماهیێ یا بەرنامەی، ئەینیێ، ٢٨ێ تەباخا ٢٠٢٦ێ، قوتابیان ڤەکۆلین کر سەر «بازاڕێن جاددان ل بەرلین»، و ل دووڤ دا سەرەدانا مەیدانى کر بۆ Neukölln Flohmarkt. ئەڤ سەرەدانە دەرفەت بوو بۆ قوتابیان دا کو چاڤدێریێ بکەن سەر ڕۆڵێ بازاڕێن جاددان د ناڤ ژینگە‌هێ باژێڕى دا و ڤەکۆلینێ بکەن سەر ڕەهەندێن وان یێن جڤاكى، دەڤەرى، وئابوورى. ل دۆماهیێ، قوتابیان د کۆمەڵان دا کارکر دا کو هزربکەن سەر زانیارى و ئەزموونێن دەستڤەهاتى د درێژاهیا ووركشۆپێ دا. وان باس لسەر هندێ کر کا چەوا ڕێباز، کردار، و وانەیێن ل بەرلین هاتینە دیتن بێنە گونجاندن و ڤەگوهاستن بۆ دهۆکێ، ب بهەستنا ئەزموونێن مەیدانى دگەل تەقەلا و دەرفەتێن پلاندانانێ یێن باژێڕێ خۆ.

ووركشۆپ ب دووماهى هات ب پێشكەشكرنا کۆمەڵێن قوتابیان، کو تێدا بەشداربوویان هزرێن خۆ پێشكێشکرن و ڕێك پێشنیازکرن بۆ بکارهێنانا فێربوونا خۆ د چوارچۆڤێ باژێڕێ خۆ دا.

بەرنامە ب فەرمى ب دووماهى هات ب بەخشینا بڕوانامان بۆ قوتابیێن بەشداربوو، کو نیشانا ب دووماهی هاتنا ئەزموونەکا کوور یا فێربوونێ بوو کو ئاڵوگۆڕا ئەكادیمى، زانیاریێن شارەزایان، کارێ مەیدانى، پشكداریکرنا جڤاكى، و هزربوونا كردارى تێکهەڵکرى

. سێ ڕۆژێن دووماهیێ گرنگیا فێربوونێ نیشاندا ب ڕێكا هەردوو ئاڵوگۆڕا ئەكادیمى و پەیوەندیا ڕاستەوخۆ دگەل ژینگەهـ و جڤاکێن باژێڕى. ژ هەمیێ گرنگتر، ووركشۆپێ هاندانا قوتابیان کر کو دەرباز ببن ژ چاڤدێریکرنا چوارچۆڤەیەکێ دى یێ باژێڕى و ب ئاگاهى تەماشەبکەن کا چەوا زانیارى و ئەزموونێن ل بەرلین دەستڤەهاتین دکرێت بێنە گونجاندن و پشكداریکرنێ بکەن د کردارێن پلاندانانا پاشەڕۆژێ دا ل دهۆکێ.