ل روژا چارشەمبی، رێکەفتی ١٧/١٢/٢٠٢٥، کۆلیژا پلانسازیا شار و هەرێمان سەرەدانا وەزارەتا شارەوانی و گەشتوگوزار / رێڤەبەریا گشتی یا نەخشەدانانا ئاڤەدانی ل هەولێرێ کر، ب مەرەما گوتوبێژکرنێ ل دۆر دەلیڤەیێن هەماهەنگیێ یێن د پاشەڕوژێ دا.

شاندا کۆلێژێ ب سەرپەرشتیا پ. د. لەیلا محەمەد رەسول (راگرا کۆلێژێ)، د. بەشیراحمد محمد سەعید (سەرۆکێ پشکا پلاندانانا جهی)، و د. یوهانس لوکنکۆتەر (رێکخەرێ پرۆگرامێ ژ زانکۆیا TU Dortmund یا ئەلمانی)، سەرەدانا د. چواس عەبدولهادی سابر (رێڤەبەرێ گشتی یێ نەخشەدانانا ئاڤەدانی - هەولێر)، خاتین ڕەڤین، و د. ڕێباز (ژ سەنتەرێ خواندن و ڤەکولینان) کر.

کۆمبوون لسەر ئەنجامێن پرۆژێ (DAAD Ta’ziz) و دامەزراندنا "سەنتەرێ پلاندانان و گەشەپێدانا پشكداری (CPPD)" ل کۆلیژا پلانسازیا شار و هەرێمان ل زانکۆیا دهۆکێ بوو.

گونجاندن دگەل پلانا ستراتیژی یا زانکۆیا دهۆکێ
ئەڤ پشکداریکرنە پشتەڤانیا پلانا ستراتیژی یا زانکۆیا دهۆکێ (٢٠٢٣-٢٠٣٨) دکەت ب رێکا:

• بۆرتین و بجهئینانا هەماهەنگییا ئەکادیمی یا نێڤدەولەتی.
• باشترکرنا ئاڤاکرنا شیانان بۆ فەرمانبەران.
• پالدانا داهێنانێ و وەرگەڕیانا دیجیتاڵی د بوارێن پشكداری و پلاندانانێ دا.
• بلندکرنا رۆلێ زانکۆیا دهۆکێ د گەشەپێدانا بەردەوام و ڤەکۆلینێن کارپێکری دا.

ئەڤ دەستپێشخەرییە دگەل ئارمانجێن گەشەپێدانا بەردەوام یێن نەتەوەیێن ئێکگرتی (SDGs) دگونجیت، ب تایبەتی:

• ئارمانجا ٤: خواندنا ب کوالیتیا بلند.
• ئارمانجا ١١: باژێڕ و کۆمەلگەهێن بەردەوام.
• ئارمانجا ١٧: هەڤپشکی بۆ بدەستڤەئینانا ئارمانجان.

بەرەڤ پاشەڕۆژێ
دامەزراندنا "سەنتەرێ پلاندانان و گەشەپێدانا پشكداری (CPPD)" گاڤەکا گرنگە د ناڤ بزاڤێن بەردەوام یێن زانکۆیا دهۆکێ دا بۆ ب هێزکرنا رێکێن زانستی یێن جودا بۆ گەشەپێدانا جهی، و بکارئینانا ئامرازێن پشكداریێ د خواندنا پلاندانانێ دا، و بەرفرەهکرنا تورێن نێڤدەولەتی ل سەرانسەری دەڤەرێ.