ل ڕێکەفتی ٦ی چریا ئێکێ٢٠٢٦، کۆلیژا پلانسازیا شار و هەرێمان سیمینارەکا پڕ ژ زانیاری ل ژێر ناڤونیشانێ "کێمکرنا مافێن ئاڤاکرنێ (Downzoning) وەکی ستراتیجیەک بۆ بڕێڤەبرنا مەترسیێن لافاوان" سازکر. سیمینار ژ لایێ م. ڕێباز علی حسن، دەرچوویێ پشکا پلاندانانا جهی و هەڵگرێ بڕواناما ماستەرێ ل پلاندانانا جهی - ڤەگوهاستنا شاری ژ زانکۆیا TU Dortmund یا ئەلمانی پێشکێشکر.

سیمینار ل سەر ئەنجامێن ڤەکۆلینا وی یا نوی یا بەلاڤکری ڕاوەستیا، کو تیژکرنا تیشکێ بوو ل سەر چەوانیا بکارئینانا ستراتیجیێن پلاندانانا جهی و یاسایێن بکارئینانا عەردی بۆ کەمکرنا مەترسیێن لافاوێن دژوار ل دەڤەرێن مەترسی ل سەر هەی.

تەوەرێن سەرەکی یێن سیمینارێ:

• وانەیێن وەرگرتی ژ لافاوێن دوپلا ئاهر (Ahr Valley): شیکارکرنا کارتێکرنێن وێرانکەر یێن لافاوێن ئەڤان دوماهیان ل سەر دەڤەرێن ئاکنجیبوونێ و ژێرخانا خانوبەران ل دوپلا ئاهر ل ئەلمانيا.
• کێمکرنا مافێن ئاڤاکرنێ (Downzoning) وەکی ستراتیجیەک بۆ کێمکرنا مەترسیان: ڤەکۆلین ل سەر بکارئینانا سیاسەتا کەمکرنا مافێن ئاڤاکرنێ ل سەر عەردی و کەمکرنا چڕیا ئاڤاکرنێ ب مەبەستا کێمکرنا بەرکەوتن و مەترسیان ل دەڤەرێن کو ل ژێر مەترسیا لافاوان دانە.
• چارچۆڤەیێن یاسایی و سیاسەتان: هەڵسەنگاندنا یاسایێن پلاندانانێ یێن ئەلمانی کو ب ئاوایەکێ فەرمی دەڤەرێن مەترسیدار یێن لافاوان دەستنیشان دکەن و مافێن ئاڤاکرنێ سنووردار دکەن دا کو خۆڕاگریا جهی ل سەر دەمەکێ درێژ بهێزتر بئێخن.

ڤەکۆلین ل کۆڤارا زانستی DisP - The Planning Review هاتیە بەلاڤکرن و سەر ڤێ لینکێ ل خوارێ دشێن بدەستخۆڤە بئینن:

https://www.tandfonline.com/doi/full/10.1080/02513625.2026.2721901