ل ڤێ حەفتیێ، قوتابیێن مەشقا هاڤینێ يا پلاندانانا جهی ژ پۆلان دەركەفتن دا کو پڕاکتیکا پلاندانانا باژێران ل سەرانسەری باژێرێن دورتموند و مونستەر ب شێوازێ مەیدانی ببینن.

ژ كەلەپوورێ پێشەسازی و ڤەگوهاستنا هەرێما ڕورهەتا ب نووژەنکرنا جهێن پێشەسازی یێن کەڤن وەک دەریاچەیا فینێکس (Lake Phoenix)، قوتابیان تێبيني كر کا چەوا باژێر بەرسڤا پێدڤیێن گۆڕاو یێن کۆمەڵایەتی، ژینگەیی، و ئابووری ددەن.

گروپێ قوتابیان شییان ب کویری پێداچوون و دیتنا کولان و تاخێن فرە کەلتوری و پاركێن باژێران و گونجاندن دگەل گۆڕانکاریا کەشوهەوای و لافاوێن بلەز و پشکداریا جڤاکی و سیاسەتێن هاتن و چوونا ب بایسکلان و نووژەنکرنا بەندەران و ئاڤاکرنا ڤە یا سەنتەرێن مێژوویی یێن باژێران. د ڤێ ڕێکێ دا، وان بەراورد دناڤبەرا ڕێکارێن جۆراوجۆر یێن ئاڤاکرنا ڤە یا باژێران دا کر و هزر د هندێ دا کر کا چەوا مێژوو و ناسنامەیا دەڤەرێ شێوەی ددنە "گیانێ جهی".

ب ڕێکا پیاسە و مەشقێن مەیدانی و دانوستاندن دگەل پسپۆڕان و تێبینیێن خوە یێن کەسایەتی دەرفەت بۆ قوتابیان هاتە دان دا کو تیۆریێن پلاندانانێ ب جهـ و ئالۆزیێن ڕاستەقینە یێن باژێران ڤە گرێبدەن.

حەفتی ب دانوستاندنان دەربارەی پلاندانانا بەشداریکرنێ بۆ بەرهەڤی دژى پەستا گەرمێ و ئاڤاکرنا ڤە یا پشتی لافاوان ب دوماهی هات. حەفتیەکا پڕ ژ فێربوونێ بوو ب ڕێکا تێبینیکرن، پرسیارکرن، بەراوردکرن، و ئەزموونکردنا ڕاستەوخۆ يا باژێران.