وۆرکشۆپێن نێڤدەولەتی ل سەر ڤەکۆلینێن جهی یێن ژینگەهی و نەخشەسازیا ئاگران
ل ڕۆژێن 10 و 11ێچریا دووێ 2026، بەشێ پلاندانانا جهی ل کۆلیژا پلانسازیا شار و هەرێمان، زانکویا دهۆک، دگەل شاندەکێ ژ ڤەکۆلەر و قوتابیێن دکتورایێ ژ زانکویا لوند، سوید، ب سەرکەفتیانە وۆرکشۆپەکا ڕاهێنانا نێڤدەولەتی یا دوو ڕۆژی گێرا کو تیشک دئێخستە سەر تەکنۆلۆژیێن جیو-جهی، چاڤدێریکرنا ژینگەهێ، و بەرسڤدانا کارەساتان.
وۆرکشۆپ ژ لایێ ڤان بەرێزان ڤە هاتبوو گێران:
- د. بشير أحمد محمد سعيد (مامۆستا، بەشێ پلاندانانا جهی، زانکویا دهۆک)
- د. لینا ئێکلوند (پڕۆفیسۆرا هاریکار و ڤەکۆلەر، زانکویا لوند، سوید)
- وان نی لین (قوتابیا دکتورایێ، زانکویا لوند)
- لۆڤیسا ڕۆزنکویست ئۆلسۆن (قوتابیا دکتورایێ، زانکویا لوند)
بەشداربوویێن وورکشوپێ پێکهاتبوون ژ ماموستا و قوتابیێن کۆلیژا پلانسازیا شار و هەرێمان، ستافێ ئاکادیمی یێ پەیوەندیدار ژ بەشێ دارستان ل کۆلیژا زانستێن ئەندازیارییا چاندنێ، ڕێڤەبەرییا نەخشەدانانا ئاڤەدانی ل پارێزگەها دهۆکێ، سەرۆکاتییا باژێڕڤانییا دهۆکێ، ڕێڤەبەرییا ژینگەها دهۆکێ، و ڕێڤەبەرییا دارستان و پاوانان ل دهۆکێ.
ڕۆژا ئێکێ (سێشەمبی، 10ێ چریا دووێ 2026 — دەمژمێر 10:00 سپێدێ): هەواڵگرییا سەرچاوەیێن ڤەکری (OSINT) بۆ ڤەکۆلینێن ژینگەیی و جهی ناساندنەکا پراکتیکی بۆ بکارئینانا وێنەیێن مانگێن دەستکرد یێن بەردەست بۆ خەلکی و داتایێن سەرچاوەیێن ڤەکری (ب ڕێکا Google Earth) بۆ ڤەکۆلینێ ل سەر تێکچوونا ژینگەیێ، تاوان، پیسبوون، و پرسێن جهی، د هەمان دەم دا پشتگیریکرنا بەرسڤدانا کارەساتان بۆ ڕوودانێن وەکی لافاو، ئاگر، و باهۆزان.
ڕۆژا دووێ (چارشەمبی، 11ێ چریا دووێ 2026 — دەمژمێر 10:00 سپێدێ): نەخشەسازیا ئاگرێن دارستانان ل سەر بنەمایێ مانگێن دەستکرد و چاڤدێریکرنا ژینگەیێ پێشکێشکەر: ئەندامێن لژنا ئامادەکار.پوختە: ڕاهێنانەکا پراکتیکی بۆ نیشاندانا سێ بەرهەمێن جیهانی یێن بەربەلاڤ یێن ئاگران — MODIS active fire، FireCCI، و وێنەیێن Sentinel-2 — بۆ شیکارکرنا مێژوویا ئاگران، هەڵسەنگاندنا مەترسییا ئاگران د داهاتی دا، و دیارکرنا ڕوودانێن ئاگران ل دهۆکێ ب بکارئینانا بەرنامێ QGIS.
جهێ ئاماژەپێکرنێ یە کو سەنتەرێ پلاندانانا شارستانی و هەرێمی بۆ خواندنا بلند ل زانکویا بەغدا ژی ب شێوەیەکێ کارا ب ڕێکا ئونلاین پشکداری د ڤێ وۆرکشۆپێ دا کر، کو ئەڤ چەندە بوو سەدەمێ بەرفرەهبوونا هەماهەنگییا دەزگەهی و لێکگوهۆڕینا زانیاریان. ئەڤە پشکەکە ژ یاداشتناما لێکتێگەهشتنێ یا د ناڤبەرا هەردوو لایان دا هاتیە ئیمزاکرن کو ئارمانج ژێ بەرفرەهکرنا هەماهەنگییا ئاکادیمی و لێکگوهۆڕینا زانیاریانە (پتر ل ڤێرێ بخوینە).
ئارمانجێن گەشەپێدانا بەردەوام (SDGs) یێن پەیوەندیدار
- ئارمانجا 13: کارکرن بۆ کەشوهەوایێ — بکارئینانا چاڤدێریکرنا ل سەر بنەمایێ مانگێن دەستکرد، نەخشەسازیا ئاگران، و داتایێن سەرچاوەیێن ڤەکری بۆ شوێنپێهەلدانا گەفێن ژینگەیی و پشتگیریکرنا بەرسڤدانا کارەساتێن کەشوهەوایێ.
- ئارمانجا 15: ژیان ل سەر ئەردی — پاراستنا سیستەمێن ژینگەیی یێن هشکاتیێ ب ڕێکا شوێنپێهەلدانا ئاگرێن گیا و دارستانان، ڕووبەرێن سۆتی، و تێکچوونا ژینگەیێ.
- ئارمانجا 17: هەڤپشکی بۆ گەهشتن ب ئارمانجان — بهێزکرنا هەماهەنگییا ئاکادیمی یا نێڤدەولەتی د ناڤبەرا زانکویا دهۆک، زانکویا لوند (سوید)، و سەنتەرێ پلانسازیا شار و هەرێمان بۆ خواندنا بلند.