ل ١٨ێ حوزەیرانا ٢٠٢٦ێ، قوتابیێن قۆناغا دوویێ ل پشكا پلاندانانا جهی پرۆژەیێن خۆ یێن دوماهییێ بۆ كۆرسێ "پلاندانانا دیمەنێن سروشتی" (Landscape Planning) پێشكێش كرن، دبن چاڤدێريیا د. محمد علاء الدين عقيقي و م. هوزان فەوزی، كو تێدا دەڤەرا "گەلیێ كورتكێ" وەك دەڤەرا لێكۆڵین هاتبوو دیاركرن.

د ئەڤی پرۆژەی دا، "سیستەمێ ئەڵمانی بۆ پلاندانانا دیمەنێن سروشتی" هاتبوو وەرگرتن و بنەمایێن مۆدێلێ ئەڵمانی ل سەر بارودۆخێ خۆجهی یێ گەلیێ كورتكێ هاتنە بجهئینان، دا كو بهێتە نیشاندان كا چەوان دکارین رێبازێن پلاندانانا نیڤدەوڵەتی بگونجینین دگەل ئالۆزیێن ژینگەهێ و پلاندانانا جهی یێن دەڤەرێ.

ل سەرانسەری وەرزی، قوتابیان ل سەر قۆناغێن جۆراوجۆر یێن پرۆسەیا پلاندانانێ كار كر، ژ وان ژى:

• پەرەپێدانا پرۆگرامێ دیمەنێن سروشتی و چوارچۆڤێ سیاسەتا ژینگەهێ.
• بەرهەڤكرنا پلانەكا چوارچۆڤێ دیمەنێن سروشتی ب ڕێكا شیكاریا مكانی یا (GIS) و مۆدێلێ تراكبا كێش كرى (Weighted Overlay Modeling).
• دیزاینكرنا پلانەكا دیمەنێن سروشتی ب ڕێكا دەستنیشانكرنا جڤاكان، پارك، رێڕەو، و سامامێن ڕەوشەنبیری و مێژوویی، و گرێدانا وان ب ڕێكا شیكاریا تۆرێ (Network Analysis).
• پێشنیاركرنا پلانەكا جهێن ڤەکری (Open Space Plan) ب ڕێكا نەخشەسازییا هوور بۆ جهێن ئاڤاكری و ئاڤانەكری، دگەل پێشنیاركرنا جهێن گەشتوگوزار و ڕەوشەنبیری بۆ پاشەڕۆژێ.

پێخووشحال بووین كو پێشوازیێ ل مامۆستا ئاوار نعمان سليم ژ پشكا ئەندازیارییا تەلارسازیێ بكەین وەك هەڵسەنگێنەر. شارەزاییا وی د بواری "تەلارسازییا دیمەنێن سروشتی" (Landscape Architecture) دا دیتنێن گەلەك ب بهـا و سەرنجێن ئاڤاكەر د دەمێ پێشكێشكرنا پرۆژەیان دا پێشكێش كرن.

ئەم سوپاسییا بزاڤێن قوتابیێن خۆ دكەین ل سەرانسەری ئەڤی كۆرسی و پیرۆزباهییێ ل وان دكەین بۆ ب دوماهی هێنانا ئەڤی پرۆژەی ب سەركەفتیيانە.