زانکۆیا دهۆک – کۆلێژا پلانسازیا شار و هەرێمان، ب ڕێكا بەشێ پلانسازیا شاران یا خۆشحالە ب بێهێزکرنا هەماهەنگیا خوە یا ئەکادیمی دگەل زانکۆیا تەکنیکی یا بەرلین (TU Berlin) ب ڕێکا پڕۆگرامێ مەشقا هاڤینێ یا ساڵا ٢٠٢٦ ل بەرلین، ئەڵمانیا.

ئەڤ مەشقا هاڤینێ، ئەوا ل ڕێکەڤتی ٢١ تا ٣٠ـی تەباخا ٢٠٢٦ـێ دهێتە سازکرن ئێک ژ چالاکیێن ژێر چوارچۆڤێ یاداشتا لێکتێگەهشتنێ (MoU) یا دناڤبەرا زانکۆیا دهۆک و زانکۆیا تەکنیکی یا بەرلین کو هاتیە ئەنجام دان ب هەماهەنگیا دکتور حسن المویلحي، ژ Habitat Unit، TU-Berlin و پڕوفیسور دکتور ليلى محمد رسول, دا کۆ پشتگیریێ ل بەردەوامیا ئاڵوگۆڕا ئەکادیمی و هەماهەنگی و ئاڵوگۆڕکرنا زانست و زانیاریان دناڤبەرا هەردوو زانکۆیان دا دکەت.

زانکۆیا تەکنیکی یا برلین پێگەهەکێ ب هێز د ڕیزبەندیا زانکۆیێن جیهانی یێن QS بۆ ساڵا 2027 دا هەیە، کۆ پلەیا هەشتێ ل سەر ئاستێ ئەڵمانیا و پلەیا چوارێ دناڤبەرا زانکۆیێن مەزن یێن تەکنیکی یێن ئەڵمانیا دا هەیە، ب تایبەتی د ناڤودەنگیا ئەکادیمی، ناڤودەنگیا کارپێدانێ، و ئاسۆیا نێڤدەولەتی دا.

ل ژێر سەرپەرشتیا د. شرین یونس اسماعيل سەروکا پشکێ و م. ڤەژین کاوە محموود بریاردەرێ بەشی، دڤی چوارچۆڤێ ئەکادیمی دا، مەشقا هاڤینی ل ژێر ناڤونیشانێ «جهێن گشتی یێن ژیانا باژێرڤانی یا ڕۆژانە»، دێ دەرفەتەکێ دەتە قوتابیان دا کۆ ب ڤەکولن کا چەوا جهێن گشتی شێوەی ددنە ژیانا کۆمەڵایەتی و ڕەۆشەنبیری و ژینگەهی و ئابووری یا باژێران. ب ڕێکا وانە و دانوستاندن و سەرەدانێن مەیدانی و تێبینیکرن و چالاکیێن دیزاینێ قوتابی دێ جۆرێن جودا یێن جهێن گشتی و ڕۆڵێ وان د گەشەپێدانا باژێران و ڕێڤەبرن و کارپێکرنا کۆمەڵایەتی و ژیانا باژێرڤانی یا ڕۆژانە دا.

هەروەسا قوتابی دێ ژ ژینگه‌ها باژێرڤانی یا بەرلین فێر بنە نموونەیێن ڕاستەقینە یێن جهێن گشتی شیکار کەن و دیتن و دۆچوونان دناڤبەرا ئەڵمانیا و عێراقێ دا ئاڵوگۆڕ کەن. ئارمانجا سەرەکی ئەوە کۆ بیر ژ هندێ بکەن کا چەوا دشێن زانیاری و ئەزموونێن پەیوەندیدار بگونجێنن دگەل چوارچۆڤێ دهۆکێ و باژێرێن دی یێن ل سەرانسەری كوردستانێ دا کۆ پشکداریێ بکەن د چێکرنا جهێن گشتی یێن ڤەکرى تر و زیندووتر و ب مفا تر بۆ کۆمەڵگەهێن جڤاکی یێن دەڤەرێ.

قوتابیێن مە ل ڕۆژا ئەینیێ ٢١ـی تەباخا ٢٠٢٦ـێ گەهشتنە بەرلین و ل ڕۆژا شەمبیێ گەریانەکا مەیدانی ل سەنتەرێ باژێرێ بەرلین ئەنجام دان و ب خۆ ل کۆڵان و نیشانێن دیار و جهێن گشتی و ژیانا باژێرڤانی یا وێرێ بینن. ل ڕۆژا دووشەمبیێ ٢٤ـی تەباخێ وانە دێ دەستپێکەن.