د ناڤبەرا ٣٠ـی تیرمەهێ تاکو ٢ـی تەباخا ٢٠٢٦ـێ، ل هەولێرا پایتەخت، و ب ئامادەبوونا د. داود سلێمان ئەتروشی، سەرۆکێ زانکۆیا دهۆک و ڕاگرێ کۆلێژێ، و د. نشوان شوکت محمود، ڕاگرێ کۆلیژا ئەندازیارى، کۆلێژا پلانسازیا شار و هەرێمان ب شانازی ڤە پشکداری د پێنجەمین پێشانگەهـ و کۆنفرانسێ نێڤدەولەتی یێ پەروەردە، تەکنۆلۆجیا و قوتابیان د ڕۆژهەڵاتا ناوەڕاست دا (MEETS 2026) کر، ئەوا ل هەولێرێ هاتبوو سازکرن.

د پێشانگەهێ دا، شاندێ زانکۆیا دهۆک — کۆ پێکهاتبوو ژ م. لاڤا نشوان رمزی ژ کۆلیژا پلانسازیا شار و هەرێمان، د. سولین جلادت محمد صالح و د.دلشێر ادریس مصطفى ژ کۆلیژا ئەندازیاری، و ڕێزدار حسێن اسماعیل تتمی ژ ڕێڤەبەریا ڕاگەهاندنێ — شیانێن زانستی و ئەکادیمی یێن زانکۆیا دهۆک ژ بۆ ئامادەبوویان دانە دیارکرن. هەروەسا کار ل سەر دروستکرنا پرێن هەماهەنگیێ دگەل زانکۆ و دامەزراوەیێن دی یێن پەروەردەیی دکر.

د درێژاهیا هەر چوار ڕۆژان دا، لیدوان و ڕولێ بەشێ پلاندانانا جهی د ئاڤاکرنا شار و هەرێمێن بەردەوام دا هاتە پێشاندن. ب هەبوونا پڕۆگرامەکێ تایبەت یێ بەكالۆريۆسا هەڤبەش دگەل زانکۆیا دورتموند یا ئه‌ڵمانی (TU Dortmund)، بەش ئەزموونەکا ناوازە ل ئەڵمانیا بۆ قوتابیان پێشکێش دکەت ب ڕێکا هەماهەنگیێ دگەل مامۆستایێن ئەڵمانی و پڕۆگرامێ مەشقا هاڤینێ ل ئەڵمانیا.

تیمێ زانکۆیێ دگەل دەرچوویێن ئامادەیی، زانکۆ، ڕێکخراو، لایەنێن پەیوەندیدار و ئاژانسێن پاراستنا ژینگەیێ ئاخفتن، بەرسڤا پرسیاران دا، ڤەکۆلین پێشکێشکرن، و جەخت ل سەر گرنگیا پلاندانانا جهی د چاره‌سەرکرنا ئالۆزیێن باژێرڤانی یێن ئەڤڕۆکە دا کر.

ژ دیزاینا شار و ب رێڤەبرنا عەردا هەتا ڤەگوهاستن و گەشەپێدانا دوومدرێژ و گەشەپێدانا کۆمەڵگەهێ، کۆشکا کولیژا مە ڕەنگدانەڤەیا شارەزاییا کۆلێژ و قوتابییێن مە کر. هەروەسان پێشانگە دەرفەتەکا نایاب بو ژبو ئاڤاکرنا هەڤکاریا ئەکادیمی و بهێزکرنا پەیوەندیان دگەل دەزگەهـ و لایەنێن پەیوەندیدار ل سەرانسەری هەرێمێ دا.

ئەم شانازیێ دبەین کو بەشێ پلاندانانا جهی نوێنەرایەتیا زانکۆیا دهۆك دکەت وەک ناڤەندەکا زانین و داهێنان و گەشەپێدانا دوومدرێژ.

هەژی گۆتنێ یە، پێنجەمین پێشانگەهـ و کۆنفرانسێ نێڤدەولەتی یێ پەروەردە، تەکنۆلۆجیا و قوتابیان د ڕۆژهەڵاتا ناوەڕاست دا (MEETS 2026)، ل پێشانگەها نێڤدەولەتی یا هەولێرێ بۆ ماوێ ٤ ڕۆژان ژ ڕێکەڤتی ٣٠ـی تیرمەهێ تاکو ٢ـی تەباخا ٢٠٢٦ـێ یا بەردەوام بوو. ئەڤ پێشانگەهە دەرفەتەکا زێڕینە بۆ قوتابی و ئارەزوومەندێن خواندنێ دا کو ژ نێزیک ئاشنای پڕۆگرامێن خواندنێ و دەرفەتێن ئەکادیمی ببن ل زانکۆیا دهۆک و ناڤەندێن دی یێن ئامادەبووی.

بۆ وەرگرتنا زانیاریێن زیاتر دەربارەی بەشێ پلاندانانا جهی، هیڤیدارین سەرەدانا مالپەرێ فەرمی بکەن: https://crp.uod.ac/departments/spatial-planning/

وێنەگرتن: ڕێزدار حسێن اسماعیل تتمی