ل ڕۆژا دووشەمبی، 26ێ چریا ئێکێ 2026، قوتابیا ماستەرێ ئەڤین حاجی احمد ل بەشێ پلاندانانا جهی، ل کۆلیژا پلانسازیا شار و هەرێمان / زانکۆیا دهۆک، ب سەرکەفتیانە گەنگەشا نامەیا خۆ یا ماستەرێ ئەنجامدا بن ناڤونیشانێ:"سترانیجیەتا نویژەنکرنا ئاڤاهیێن ئاکنجیبوونێ یێن کەلەپووری ل باژێرێ مێژوویی یێ ئاکرێ"

ئەڤ ڤەکۆلینە ل ژێر سەرپەرشتیا پ.‌هـ. د. شرين يونس اسماعيل هاتبوو ئامادەکرن.

ڤەکۆلین تەماشەی شیان و ئاستەنگێن نویژەنکرنا ئاڤاهیێن ئاکنجیبوونێ یێن کەلەپووری ل دەڤەرا مێژوویی یا ئاکرێ دکەت، ب تەرکیزکرن ل سەر لایەنێن یاسایی، دامەزراوەیی، کۆمەڵایەتی-کەلتووری، دارایی، تەکنیکی و مادی. ل سەر بنەمایێ ڕێبازێن ڤەکۆلینا جۆری، ئەڤ ڤەکۆلینە چوارچۆڤەکێ ستراتیجی یێ پلاندانانا جهی پێشنیاز دکەت بۆ نویژەنکرنا بەردەوام، هاندانا بکارئینانا گونجای (Adaptive Reuse)، و پاراستنا ناسنامەیا مێژوویی یا باژێرێ ئاکرێ.

نامەیا وێ هاتە هەلسەنگاندن ژ لایێ لیژنەیا گۆتوبێژکرنێ یا ئەکادیمی پێکهاتبوو ژ ڤان بەڕێزان:

• پ. د. ياسين طه مصطفى / زانکۆیا زاخۆ – GIS و هەستکرنا ژ دوور (سەرۆکێ لیژنێ)
• پ.هـ. د. چرو علي حمه رضا / زانکۆیا پۆلیتەکنیکی یا سلێمانیێ – پلانسازیا شارستانی (ئەندام)
• پ.هـ. د. جوان بايز خورشيد / زانکۆیا دهۆك – باژێڕڤابوون و شیكاريا جهی (ئەندام)
• پ.هـ. د. شرين يونس اسماعيل / زانکۆیا دهۆك – پلانسازیا شارستانی (سەرپەرشت و ئەندام)

پشتی پێشکەشکرنا نامەیێ و گۆتوبێژا ئەکادیمی یا تێر و تسەل، نامەیا وێ ب سەرکەفتنی هاتە وەرگرتن، کو ئەڤە دەستکەفتەکێ ئەکادیمی یێ گرنگە ل سەر ئاستێ پلاندانانا جهی و پاراستنا کەلەپوورێ شارستانی.

کۆلیژا پلانسازیا شار و هەرێمان گەرمترین پیرۆزباهیان ل قوتابی ئەڤین حاجی احمد دکەت ب هەلکەفتا ڤی دەستکەفتی، و ڕێز و سوپاسیا خۆ بۆ سەرپەرشت و ئەندامێن لیژنەیا گۆتوبێژکرنێ دیار دکەت بۆ بزاف و بەشداریا وان یا ئەکادیمی یا ب نرخ.

هیڤیا سەرکەفتنا بەردەوام بۆ وێ دخوازین د ژیانا وێ یا ئەکادیمی و پیشەیی دا.