کۆلێژا پلانسازیا شاڕ و هەرێمان (CCRP) ل زانکۆیا دهۆکێ (UOD) ب دلخۆشي ڤە ڕادگەهینیت کو دێ سمینارەکا نێڤدەولەتی یا ل بن ناڤ و نیشانێن: "ئاڤاکرنا پاشەڕۆژا کوردستانێ: وانە ژ سوید ل سەر پلاندانانا ل سەر بنەمایێ مرۆڤی، کەلتوور و کەلەپۆر، و كوالێتيا باژێڕی" ساز کەت. ب گەرمی داخوازێ ژ هەمی مامۆستا، شارەزایێن پلاندانانێ، ڤەکۆلەر و قوتابیێن زانکۆیا دهۆکێ دکەين پشکداریێ د ڤی دەمخۆشێ ئەکادیمی یێ گرنگ دا بکەن. سمینار و وورکشوپ دێ ژ لايێ د. كريم نجار ژ زانکۆیا كارلستاد (Karlstad University) ل وڵاتێ سوید هێنە پێشکێشکرن.

• ئەڤ سمینارە، ئەوا دێ ل ڕۆژا دووشەمبي ڕێکەفتی 6ێ تەمموزا 2026ێ ل هۆلا پێشمەرگە (سەنتەرێ قوتابيان) ل زانکۆیا دهۆک هێتە سازکرن، دێ ب شێوەیەکێ بەرفرەهـ تيشکێ ئێخيتە سەر نموونەیێن بەرجەستە و کرداری یێن باژێڕێن سويدێ، و کا چاوان ب سەرکەفتنی یاسایێن سەردەم یێن پلاندانانێ بکارئینانە، و ڕێک و أسلوبێن پلاندانانێ یێن مرۆڤ-ناڤەند وەرگرتینە، و ستانداردێن تەلارسازیێ و ژینگەهێن باژێڕی یێن هۆسا ئاڤاکرينە ئەوا ناسنامەیا خۆجهی و کەلتوور و کەلەپۆری دپارێزیت.

• وۆرکشۆپ یا کو هاتیە پلانکرن بۆ ماوێ 3 رۆژان بهێتە سازکرن، ژ رۆژا سێشەمبي 7ێ تیرمەهێ تا رۆژا پێنجشەمبي 9ێ تیرمەها 2026ێ، ل پشكا پلاندانانا باژێڕی ل کۆلێژا پلاندانانا باژێڕ و هەرێمان، دێ لایەنێ تیۆري ب لایەنێ کرداری ڤە گرێ دەت؛ سمینار دێ زنجيرەکا مصفوفاتێن هەلسەنگاندنێ پێشکێش کەت کا چاوان دشێن کێماسيێن نوکە دەستنیشان بکەن، د هەمان دەم دا دێ ڕێنمایێن کرداري بۆ باشترکرنا سیاسەتێن پلاندانانێ و ستانداردێن گەشەپێدانێ دابین کەت. ئەڤ ئامرازە دێ هۆكار بن بۆ پشتەڤانیکردنا خودان بڕیاران دا کو باژێڕێن ساخلەمتەر، بەردەوامتر و بکارتر ئاڤا بکەن.
  پەشداربوو دێ هێنە ئاشناکرن ب ڕێکێن ڤەکۆلینا باژێڕی یێن کاریگەر، مصفوفاتێن شیکارکرنێ یێن پێشکەفتی، و چارچۆڤەیێن هەلسەنگاندنێ یێن کو ب تایبەتی بۆ پشتەڤانیکردنا قوتابیێن بەکالۆريۆس و خواندنا بلند هاتینە داهێنان، دا کو پڕۆژەیێن نامەیێن خۆ یێن پاشەڕۆژێ پێش بێخن و ڕێک بێخن.

جهێ ئاماژەپێدانێ یە کو ئەڤ کارە ڕەنگدانەڤەیا پابەندبوونا بەردەوام یا زانکۆیا دهۆکێ یە بۆ بهێزکرنا هەڤکاریێن ئەکادیمی یێن نێڤدەولەتی و بلندکرنا شیانێن شیکارکاری یێن جڤاکێ پلاندانانێ.

دا کو ئەم پێكڤه‌ ل سەر ڕێڕەوێن پێشکەفتی بەرەڤ گەشەپێدانا هەرێمی یا بەردەوام بگەڕیێن.هاتنا هەمی مێهڤانێن هێژا جهێ دلخوشیا مەیە.